Taku Haerenga ki te Kiriata
I tēnei wiki, i te Rāpare, i haere au me tōku kura, Tautoro Kura, ki te whare kiriata hei haerenga mō te hunga i tae pai mai ki te kura 80% ia ra i TE wahanga tua toru. I tino harikoa ahau nā te mea i haere au me ōku hoa ki te mātaki kiriata.
I tō mātou taenga ki te whare kiriata, ka noho au ki tōku tūru, ā, ka whakarite ahau ki te mātaki. I mauria e au ētahi paramanawa hei kai māku i a mātou e mātaki ana. Ko te kiriata i mātakitaki ai mātou ko Forgotten Island. I tino pai ahau ki te kiriata me te noho tahi me ōku hoa.
Whai muri i te kiriata, i haere mātou ki tētahi papa rēhia ki te kai pizza. Ka mutu te kai, ka tākaro mātou i te papa tākaro me ō mātou hoa. I tino ngahau mātou, ā, i pai ahau ki te noho tahi me te katoa.
Whai muri i te papa rēhia, ka eke mātou ki runga i te pahi, ā, ka hoki mai atu ki te kura. I tino pai taku rā, ā, i harikoa ahau ki te haere ki tēnei haerenga me tōku kura me ōku hoa.