Kua tutuki!!! Koirā te mea nui i te rā nei.
I huaki au i taku rorohiko i te 8 karaka inapō, whai muri atu i te hui ki te taha o ngā mātua o aku tauira. Kātahi rā ka pahū katoa te hinengaro i te kite atu i te MAHA o ngā akoranga kāore anō kia tino mau ki te hirikapo. Ka taka mai te whakaaro, me waiho ēnei kia tīmata te whakamātautau āpōpō. Hei tērā wā pea ka hokinga mahara ki ngā akoranga – he manako nui tēnei ktk!
Ka tae ki tēnei rangi me te wā me pana i te pātene “Tīmata”, ka tirohia te pātai tuatahi – AUĒ – kua raru katoa ahau. Heoi anō, nā taku hoa piri pāua a Kūkara i ora ai ahau. Ināianei, kua tau te wairua, kua heke te taumaha, kua muku te werawera, he ngahau e haere ake nei 
Heoi anō, e tino mihi ana ki a koe Hinewā, i āta whāngai i a mātou ki ngā akoranga, i whakatairanga i tō tātou nei reo ki ngā kupu hou o tēnei ao hangarau, i manawaroa hoki ki ngā pātai maha i whiu atu ki a koe. Nō mātou te whiwhi!
Kāore e kore, ka kite anō i a koe ā tērā wāhanga!
Aroha nui ana
x